|
Igl CT Savognin è nia fundo igl 1966 e promova igl sport da tennis ainten la regiun Surses. Siva dalla stad 2023 vign giuia sen treis plazs novs da tennis a La Nars.
Aint igl center stat igl tennis scu sport da divertimaint u da concurrenza. Pinavant metta igl club gronda peisa sen la scolaziun dallas junioras e digls juniors. Er plascheir, amiceztga ed igl spiert da team vignan vivias. |
La cumpagneia ò ena gronda muntada aint igl club. Uscheia vign chella promuveida cun bleras occurrenzas, scu per exaimpel agls suandonts turniers:
- Turnier singul (angal per commembers digl club) - Turnier dobel (er avert per giasts) - Turnier da jass/tennis (er avert per giasts) - Turnier per giuvenils (angal per commembers digl club) - Ulteriours turniers èn pussebels |
Ulteriouras infurmaziuns davart igl noss program annual actual cattas te cò: Link Cun saleids sportivs,
la suprastanza digl CT Savognin Patrick Thurner (president), Irene Kolb (actuara), Peter Duttweiler (cassiera), Markus von Büren (magnagi), Aurelia Balestra Maverick (juniors) |
Curs da tennis per unfants e giuvenils (G+S)
|
La promoziun digls noss giuvenils è per nous fitg impurtanta. Sot la direcziun digl noss trenader da tennis Peter Baggenstos ed igl sies team, purschagn nous mintga stad quatter curs da tennis per giuvenils.
Igl team da trenaders ò betg angal gronda experientscha e saveida, mabagn lavoura er cun gronda passiun e sensibilitad per sustigneir mintg’uffant igl migler pussebel. |
Nous partign igls noss curs an differents nivels, uscheia tgi mintg’unfant pò amprender ainten en conturn mutivont ed amicabel. Nous mattagn gronda peisa sen spiert da team, fairplay e plascheir agl gi.
Agls unfants e giuvenils vign purscheida ena plattafurma ideala per amprender a giuier a tennis e cugl taimp er per sa participar a concurrenzas. |
Nous ans legragn da beneventar igl voss unfant aint igl noss club da tennis!
Peter Baggenstos, Scolast da tennis
|
|
Categorias digls curs:
- Principants mini (ca. 7-9 onns) - Principants gronds (ca. 10-12 onns) - Masang (ca. 12-15 onns) - Avanzos (ca. 16-20 onns) Dirada digls curs: Mez matg (siva las vacanzas da premaveira) anfignen las vacanzas d’aton (sainza vacanzas da stad). |
Participaziun:
Sa participar pon tottas mattatschas e tots mattatschs a parteir dall’amprema classa anfignen 20 onns. Repartiziun dallas gruppas: La repartiziun e las ouras da trenamaint vignan communitgeidas siva la fegn digl termin d’annunztga. |
Sieranza:
È tgossa digls participants. Team da trenaders: Peter Baggenstos Aurelia Balestra Maverick Bettina Bergamin Fabienne Thurner Nicole Dosch |
Li
Igls noss 3 plazs da tennis sa cattan a La Nars. Igl pi simpel e da piglier igl velo, perchegl tg`igl scumond da carar vala anfignen tigl stabilimaint da tennis. Parcadis cattez dasper la Villa Aurora u tar la scola da skis.
Adressa: Veia La Nars 13, 7460 Savognin |
Reservaziung per giastsEr giasts èn cordialmaintg bagnnias sen igl noss implant. Giasts da vacanzas e persungas tgi èn betg commembers pon far adiever digls plazs tranter las 07.00 e las 21.00.
La taxa da locaziun monta a CHF 28.- per oura e plaz. Giasts sot 16 onns dastgan duvrar igls plazs angal an cumpagneia d’ena persunga sur 16 onns. La pi simpla moda da reservar è via l’app GotCourts. Siva la reservaziun survagniz tot las infurmaziuns necessarias pigl access agls plazs da tennis. Alternativamaintg ins pò er far la reservaziun tigl biro da turissem a Savognin. |
Commembranza
Activ: CHF 150.-
Juniors anfignen 18 onns: CHF 50.- Passiv: CHF 50.- Contact: [email protected] Telefon: 081 684 14 17 Statuts digl CT Savognin: Link 
|
Copyright CT Savognin | Sectour per commembers